वडा नं. १: सिस्ने गाउँपालिकामा भएको  १ नं. वडा  साबिकको सिस्ने गा. वि. स. का ९ वटा वडा अन्तर्गत ठूलो सिस्ने, लाम्पाखा, ओख्रेना, पाखापानी, भट्टेचौर,  मिलेर बनेको छ । १ नं. वडा सिस्ने गाउँपालिका देखि उत्तर-पूर्व दिशामा पर्दछ । यस वडामा जम्मा ३७२ घरधुरी छन । यस वडामा जम्मा १८७७ जना जनसंख्या रह्रेको छ भने क्षेत्रफल १७५.९२२ वर्ग कि. मी. रहेको छ । जिल्ला समन्वय समिति २०७३ अनुसार  यस वडा बाट गाउँपालिकाको केन्द्रमा पुग्न १४ घण्टा र केन्द्रबाट वडा कार्यालयमा फर्कन १५ घण्टा  समय लाग्छ । १ नं. वडामा कुनै पनि बजार क्षेत्रहरू रहेका छैनन् । सिस्ने हिमाल, टेम्पल भिलेज यस वडाका मुख्य पर्यटकिय स्थल हुन । यस वडामा १ स्वास्थ्य चौकी र १ सामुदायिक स्वास्थ्य ईकाइ रहेका छन् ।  । १ नं. वडामा ५ वटा सरकारी बिद्यालय रहेका छन, जस मध्ये ३ वटा आधारभुत बिद्यालय र २ वटा माध्यमिक बिद्यालय रहेको  छ । यस वडा बाट स्थानीय तहको चुनाब २०७९ मा अध्यक्षको रुपमा रज बहादुर बुढा निर्वाचित हुनु भएको छ ।