सिस्ने गाउँपालिकामा भएको ६ नं. वडा साविकको रुकुमकोट गा. वि. स. का ४ (३,७,५ र ६) वटा वडा अन्तर्गत बाहुनडेरा, आला, ढकालबारा र खोपिचार गाउँ मिलेर बनेको छ भने क्षेत्रफल ६.८३९ वर्ग कि. मी. रहेको छ । वडा कार्यालय हाल रुकुमकोटको छिप्रिदह भन्ने ठाउँमा छ । यस ६ नं. वडा सिस्ने गाउँपालिकादेखि उत्तर दिशामा पर्दछ । यस वडामा जम्मा ५५० घरधुरी र २४३१ जनसङ्ख्या रहेका छन्, जसमध्ये पुरुषको सङ्ख्या ११४३ र महिलाको सङ्ख्या १२७० रहेका छन् । यस वडाबाट सिस्ने गाउँपालिकाको कार्यालयसम्म पुग्न २० मिनेट लाग्छ । यस वडामा १ मा.वि. र २ आधारभुत विद्यालय रहेका छन् । छिप्रिदह यस वडाको मुख्य क्षेत्र हो भने लुस्पा सप्तऋषि मन्दिर वडाको मुख्य पर्यटकिय स्थल हुन् । यस वडा बाट स्थानीय तहको चुनाब २०७९ मा अध्यक्षको रुपमा पूर्ण बहादुर मल्ल निर्वाचित हुनु भएको छ ।